تخيل معايا دلوقتى عزيزى القارىء لو طلعت تعبيرات زى(بلد شهادات بصحيح) الشاب من دول ممكن يعمل ايه..اللى كل همه يعيش حياته ويكبر الجمجمة ويهيص ويمليط ويروش..ويقوللك يا عم الشهادة تيجى ف وقتها مش ابويات بيصرف على ايه المشكلة بقى..تخيل لو عادل امام طلع قال الجملة دى دلوقتى ايه اللى ممكن يحصل؟

ولا ايه تانى يا ترى هيحصل لو طلعت عبارة(ان فاتك الميرى اتمرغ ف ترابه) فى زمن الخصخصة والشركات الخاصة والاستثمارية وزمن سلم واستلم و(المصالح المشتركة)..حيث لا تنفع شهادة ولا غيره وكله بيقلب عيشه ورزقه وكله بيقول يلا مصلحتى ومن بعدى الطوفان..تعمل ايه لو جالك واحد وقاللك ان فاتك الميرى اتمرغ ف ترابه..هتقولله يا عم ميرى ايه واتمرغ ف ترابه ايه..هيه ناقصة فقر؟..وهتتضحك عليه اساسى.

ولا عبارة(مربوط على الدرجة السادسة والناس درجات ومرشح اخد السابعة غير العلاوات)..محدش بيبص لعلاوات دى دلوقتى كله عايز يهلب وياخد حقه جاهز وخالص ومخلص..ويبقى واكل نايم شارب وضامن حقوقه حتى لو مش من حقه كمان.

لكل كلمة وتعبير وقت وتوقيت يجب مراعاة ظهوره فيه فلا يجوز ايجاد تعبيرات اشتراكية فى زمن راسمالى او ليبرالى ولا يجب ان توجد مصطلحات متاخرة فى زمن اغبر ما يعلم بيه الا ربنا.

ــــــــــــــــــــ
كاتب ساخر وصحفى وحاصل على بكالريوس الاعلام ودكتوراة فخرية فى ادارة الاعمال من جامعة بيروت