الحياد التام او الموت الزؤام..مقولة اصبحت تنتشر كثيرا فى اروقة الشارع المصرى..تيجى تسال واحد عن رايه فى اى موضوع يقوللك مش عارف..مش فاهم...طب القضية الفلسطينية..مش بتاعتى...طب وامريكا..يقوللك مليش فيها..طب والسودان يقوللك شقققة مصر..طب واى حاجة ف اى حاجة...متعرفش بقى له الشعب المصرى بقى (مالوش فيها)

يفكر ف الازمة الاقتصادية اكثرما يفكر فى اى شىء اخر..والحياة اصبحت..مش عارف..مش فاهم..!!


________________________________
للاسف وقف تفكير بعض الناس عند هناكل ايه النهاردة...هنقابل مين عالقهوة؟؟..هنقبض كام..هنشتغل ايه..حتى الاخيرة دى مبقيتشى موجودة..وتيجى تسال حد من شباب اليومين دول عايز تدخل كلية ايه..يقولك اة حاجة..طب عايز تشتغل ايه..يقوللك اى حاجة..الى تلك الدرجة مبقيتشى حاجة فارقة مع الناس..؟
ايام الدفعات السابقة يقوللك اه انا عايز ادخل طب..هندسة..عايز ابقى ظابط..عالم..وكدة

وصدق الفيلسوف الذى قال ماساتى فى هذا الزمان هى اننى لازلت افكر

__________________________________
تتابع مصر كلها (تمثيلية العندليب من يكون) ويتابع اخرون
فيلم السندريلا من تكون..بصرف النظر عن قضايا وموضوعات
اخرى اهم ومنها قضية فلسطين والعرق وما يحدث حولنا فى
الدول العربية تطبيقا للمثل الشائع(دارى على شمعتك تقيد)
!!!!
|____________________

هل فكرت لحظة لماذا لا تفكر..لقد وقف تفكير البعض عند اشياء لا علاقة لها بضروريات الحياة منذ مثلا عشر سنوات فقط..لماذا لا نعلن ان نفكر على الملا اولا واخيرا ولا نستسلم لاحباطات القدر

لابد ان نعلن حالة من الفكر المدنى الذى كان ثم اصبح لا شىء بدلان من اعلان هزيمة وطن اسمه الفكر
_________________________________
عندما لا تجد الدولة موارد لتنمية اقتصادها القومى وعندما لا تستطيع اخذ كل مستحقاتها من رجال الاعمال فان الحكومة تسارع جاهدة للاقتناص من الموظفين على طريقة (مقدرتش على الحمار تقدر على البردعة) والمنطق يقول ان الدولة تاخذ من المقتدر لتعطى الغير مقتدر لكنه حق الدولة فلا يستطيع احد ان ينكلم لان البردعة ضعيفة شوية
_________________________
بعد انتشار انباء انفلوانزا الطيور وبعد انتشار اشاعات عن الحوم كمان والحمى القلاعية وما يشاع حديثا عن تلوث الاسماك بسبب القاء مخافات انفلوانزا الطيور فى النيل والبحار يخشى بعض القراء من حدوث انفلونزا لفول الغذاء الشعبى ل75 مليون مواطن مصرى

__________________________

نرجو تزويدنا بمعلومات اكثر عن الصحفى والفنان اكرم الكرانى